http://www.vizionplus.tv
https://facebook.com/VizionPlusTV
https://twitter.com/VizionPlusTV
Policia e Kurbinit dha të tjera detaje lidhur me përplasjen me armë në hyrje të Mamurrasit. Për ngjarjen e të mërkurës, policia arrestoi dy persona të tjerë përveç autorit Enrik Mamli, ndërkohë që shpalli në kërkim edhe tre. Sipas bluve në pranga së bashku me 28 vjecarin Enrik Mamli, janë dhe Taulant Bebri, 26 vjeç banues në Mamurras e Dorjan Mamli, 31 vjeç, nga Zheja e Kurbinit. Ndërkohë janë shpallur në kërkim vëllezërit Tom e Paulin Mamli si dhe Gentjan Tafa. Një ditë më parë Tom Paulin dhe Enrik Mamli rrahën kushëririn e tyre Dorjan Mamli, pasi ky kishte ndërhyrë për te negociuar sherrin. Konflikti që kishte Enriku me pjesëtarë të familjes Tafa, dyshohet se kishte nisur ne Itali per trafikun e prostitucionit. Në momentin që vëllezërit Mamli po largoheshin me automjetin e tyre tip Range Rover u goditën nga makina e drejtuar nga fisi Tafa. Pas përplasjes së automjeteve dy grupet qëlluan me armë në drejtim të njëri tjetrit, ku si pasojë e shkëmbimit të zjarrit mbeti I vrarë 35 vjecari Naim Tafa dhe u plagosën 4 persona të tjerë tre prej të cilëve kalimtarë të rastit. Në vendngjarje u gjetën 12 gëzhoja armësh zjarri si dhe një automatik kallashnikov armë e cila iu kap autorit të dyshuar të vrasjes Enrik Mamli.
