http://www.vizionplus.tv
https://facebook.com/VizionPlusTV
https://twitter.com/VizionPlusTV
Policia asgjësoi ne zonën e Matit 1200 rrënje kanabis sativa. Lënda narkotike ishte e mbjellë në parcela pa pronar dhe ne një terren te vështirë për t?u identifikuar, pasi ndodhet në një zonë të pyllëzuar me lisa. Parcelat e kanabisit gjenden jo më shumë se 23 kilometra nga qyteti i Burrelit. Sipas oficerëve të policisë në vendngjarje, ato janë nga më të veçantat te zbuluara deri tani edhe për mënyrën e administrimit nga kultivuesit. Ekspertët e antidrogës thanë se bimët ishin në dy lloje, disa me periudhë 100 ditore nga kultivimi dhe pjesa tjetër ishin në 45 ditore, gjë të cilën e tregon edhe lartësia e tyre e ndryshme. Ndonëse sasia është e konsiderueshme për policinë e Matit, informacioni mbi vendndodhjen e drogës, sipas tyre është marrë në rrugë operative dhe nuk është konstatuar nga filmimet e eksperteve italiane nga ajri. Ne operacionet e deritanishme, policia e Matit ka arritur të arrestojë vetëm katër persona të cilët kishin kultivuar bimë narkotike ne sasi te vogla në tokat e tyre.
