http://www.vizionplus.tv
https://facebook.com/VizionPlusTV
https://twitter.com/VizionPlusTV
Institucionet kulturore duket se nuk po nxitojnë te nisin sezonin e ri artistik. Teatri Kombëtar, ai Eksperimental, Metropoli, por edhe ai i Kukullave ende nuk e kanë hapur zyrtarisht sezonin e ri. I vetmi institucion që ka nisur punën këtë fundjavë është Teatri i Operas dhe Baletit. Ka nisur me një koncert për violinë, për ta pritur të shtunën në mbrëmje publikun, me këngë e valle të interpretuara nga trupa e ansamblit popullor. Mbrëmja e së dielës në këtë institucion do t?i dedikohet regjisorit Nikolin Gurakuqi, i cili numëron më shumë se çerekshekulli në skenën e këtij institucioni. Artistët më në zë të operas bëhen bashkë në një mbrëmje gala të dielën. E teksa Galeria Kombëtare vazhdon procesin e dezinfektimin, në Muzeun Historik Kombëtar ju pret ikonografia postbizantine e Mihal Anagnostit që mund të konsiderohet edhe si eventi më artistik i kësaj fundjave.
