http://www.vizionplus.tv
https://facebook.com/VizionPlusTV
https://twitter.com/VizionPlusTV
Rendohet bilanci i viktimave te përmbytjeve ne rajonin e Tetovës. Pas kërkimeve intensive për gjetjen e një 61-vjeçari qe rezultonte i zhdukur qe prej përmbytjeve te se hënës ne Tetove, trupi i pajete i tij u zbulua ne dalje te qytetit, duke e çuar ne 5 shifrën e te vdekurve. Atë e pikasen disa persona qe mblidhnin hekur ne rrugën qe te çon ne Gostivar. Viktima kishte dale te kulloste dhente kur u perpi nga uji se bashku me nipin 7-vjeçar, qe gjithashtu humbi jetën. Trupi i fëmijës u gjet ne fshatin Reçice e Madhe. Ndërsa kërkimet e deritanishme per vajzën 6-vjeçare nga Shipkovica, qe gjithashtu është shpallur e humbur, kane rezultuar te pasuksesshme. Ato jane përqendruar ne bodrumin e shtëpisë se saj, ku forca te ushtrisë dhe banore po punojnë per largimin e gurëve dhe baltës nga banesa. Situata pas përmbytjeve nuk është normalizuar ende plotësisht. Vijon puna për zhbllokimin e rrugës Tetovë - Jazhincë në fshatin Poroj ku mbi 80 makineri kane mbërritur per zhvendosjen e gurëve dhe baltës. Tetova edhe këtë te enjte ndodhet ne zi per viktimat e katastrofës, ndërsa banoret e zonave te goditura përballen me vështirësi dhe presin mbështetje financiare nga shteti.
