http://www.vizionplus.tv
https://facebook.com/VizionPlusTV
https://twitter.com/VizionPlusTV
Prokuroria përfundoi hetimet dhe çoi për gjykim Indrit Shaqen Velson Elmazin dhe Artur Kacanolli të akuzuar për vrasjen e dy kunatave Elsa dhe Gjinovefa Vava në Durrës. Një vit nga ngjarja e rëndë e cila tronditi qytetin bregdetar prokuroria kërkon dënimin e tre autorëve të dyshuar me akuzën e vjedhjes me pasojë vdekjen të kryer në bashkëpunim. E gjithë grabitja ishte ideuar nga nipi i viktimave Artur Kacanolli. Sipas prokurorisë ai dinte vendin ku 77-vjeçarja Gjinovefa Vava fshihte paratë dhe me ndihmën e dy shokëve vuri në zbatim planin e grabitjes, të cilën vetë e ndoqi nga trotuari përballë shtëpisë së tezes.Indrit Shaqja dhe Velson Elmazi i mbytën të moshuarat me qese plastmasi për 200 mijë lekë më 3 shtator të vitit 2014.Pas ngjarjes së rëndë blutë e Durrësit prangosën Artur Kacanollin nipin e të moshuarës Velson Elmazin dhe shpallën në kërkim Indrit Shaqjan, i cili u arratis në Spanjë por që u ekstradua drejt Shqipërisë.
