http://www.vizionplus.tv
https://facebook.com/VizionPlusTV
https://twitter.com/VizionPlusTV
Nje zjarr i fuqishëm ka përfshirë një sipërfaqe me peme frutore te ndryshme ne fshatin Baçel te komunës Blinisht ne Lezhe. Zjarri është pikasur nga banore te zonës rreth orës 15:00 te se premtes, ndërsa jane njoftuar menjëherë zjarrfikësit. Ata kane mbërritur menjëherë ne vendin e ngjarjes, duke ndërhyre ne shuarjen e flakëve. Zjarri është favorizuar edhe nga era e forte, duke bere qe te përhapet me shpejtësi ne te gjithë kodrën me peme frutore. Puna e zjarrfikësve është përqendruar pranë banesave te rrezikuara, ndërsa janë dashur rreth 5 ore qe flaket te vihen plotësisht nen kontroll. Demet e shkaktuara kapin një vlere te konsiderueshme, pasi janë djegur te paktën 15 hektarë me peme te ndryshme qe ishin ne pronësi te një fermeri te zonës. Policia dhe zjarrfikësit kane nisur hetimet për shkaqet e rënies se zjarrit, ndërsa dyshimet e para janë për ndonjë pakujdesi. Pak dite me pare u dogjen, qindra hektarë pyje me pisha, si dhe mijëra rrënjë ullinj ne zonën e Mallakastrës. Po ashtu flaket e zjarrit kane shkaktuar dëme te mëdha ne masivet pyjore te Tepelenës, Shkodrës e Krujës.
