http://www.vizionplus.tv
https://facebook.com/VizionPlusTV
https://twitter.com/VizionPlusTV
Emergjencat civile angazhuan një avion dhe një helikopter për fikjen e 4 vatrave te zjarrit ne Belishove te Fierit. Më shumë se 100 hektare me pisha 30-vjeçare dhe mijëra rrënjë ullinj, janë shkrumbuar nga flakët në zonën e Mallakastrës. Zjarri vijon prej tre ditësh, ndonëse në paraditen e së dielës është vërejtur ulje e intensitetit të flakëve, të cilat tashmë janë të lokalizuara në disa vende. Sipas specialistëve që ndodhen në terren, flakët kanë pushtuar zonën kodrinore të Rromësit, Belishovës dhe Drenovës. Ndërkohë që në terren vijon aksioni për shuarjen e flakëve.Terreni i thyer kodrinor e bën ta pamundur shuarjen e flakëve ndërsa disa mjete zjarrfikëse qëndrojnë në gatishmëri afër zonave të banuara dhe puseve të naftës që ndodhen në afërsi. Nga ana tjetër, policia nuk ka lejuar banoret të shkonin në pronat e tyre për shkak të rrezikshmërisë kurse forcat ushtarake kanë ardhur në ndihmë për të penguar përhapjen e mëtejshëm të flakëve, duke hapur kanale ndarës. Nga të dhënat e para dyshohet për zjarrëvënie të qëllimshme, por pritet konfirmimi zyrtar i policisë.
