http://www.vizionplus.tv
https://facebook.com/VizionPlusTV
https://twitter.com/VizionPlusTV
Fiter Bajrami është kremtuar dhe në Kosovë. Qindra besimtarë myslimanë në gjithë vendin falën në mëngjes namazin e bajramit të madh. Duke folur pas tubimit në xhaminë e madhe në Prishtinë, kreu i bashkësisë islame te Kosovës, Naim Tërnava, u lut për paqe, harmoni dhe respekt për njëri tjetrin. Ai u ndal dhe te terrorizmit, ndërsa sqaroi se bashkësia islame e Kosovës është kundër çdo akti ekstremist dhe kundër çdo terrori që po bëhet nëpër vende të ndryshme të botës. Festime janë zhvilluar edhe ne te gjitha qytetet e tjera te Kosovës. Rreth 1 miliardë e 570 mijë myslimane në të gjithë botën kane falur namazin e bajramit. Pas 29 ditëve të muajit të ramazanit, me agjërim, lutje dhe adhurime, në tre ditët pasuese besimtarët kremtojnë festën më të madhe islame, atë të Fitër Bajramit. Këtë dite besimtaret shkëmbejnë vizita tek njeri tjetri si dhe ndajnë ndihma per te varfrit.
