http://www.vizionplus.tv
https://facebook.com/VizionPlusTV
https://twitter.com/VizionPlusTV
Anëtarë, mbështetës dhe simpatizantë të Partisë Socialiste kishin mbushur oborrin e selisë së Partisë Socialiste. Festë për fitoren e Erion Veliajt, kandidatit të koalicionit të majtë Aleanca për Shqipërinë Europiane, në Bashkinë Tiranë. Entuziasëm. Me flamuj dhe brohoritje në selinë rozë festohej rimarrja e drejtimit të Bashkisë Tiranë, pas 4 vitesh. Jashtë oborrit ishte edhe një i ri, që mbante në duar një flamur të aleates kryesore të PS-së, në këto zgjedhje LSI-së. Si për të treguar se edhe ajo është në festë. Kur kishin mbetur shumë pak vota për tu numëruar, kur fitoren e kishte mëse të sigurt, Erion Veliaj doli nga zyra për tu përshëndetur me anëtarët dhe mbështetësit e Partisë Socialiste.Fjalimin e fitores e nisi me një konstatim për procesin zgjedhor më të lirë dhe transparent të zhvilluara ndonjëherë në Tiranë. Më pas, falenderime për të gjithë votuesit dhe drejtuesit e fushatës në njësitë dhe komunat, pjesë e Bashkisë së re të Tiranës. Veliaj e konsideroi fushatën për Tiranën si model të demokracisë. Meritat për këtë ia njohu edhe kundërshtarit Hamil Kosova. Të cilin e ftoi që pas certifikimit të zgjedhjeve të bashkëpunojnë për të mirën e kryeqytetit. Para qindra mbështetësve ai tha se do të jetë kryeshërbëtori i qytetit dhe se është koha për të lënë mënjanë tifozeritë politike. Bashkisë së Tiranës i kërkoi që të mos ndërpresë punën dhe të vijojë shërbimet për qytetarët. Por, paralajmëroi se të gjitha shpenzimet e 4 viteve të fundit do të kalojnë në sitën e auditit. Fjalimin e kryebashkiakut në pritje, Erion Veliaj e mbylli me një shprehje me të cilën donte të thonte se mezi pret t?ia nisi punës.
