http://www.vizionplus.tv
https://facebook.com/VizionPlusTV
https://twitter.com/VizionPlusTV
Stadiumi i klubit ?Tirana? nuk do të ketë më nevojë që të rikonstruktohet pasi do të ndërtohet një i ri. Kandidati i mazhorancës për Bashkinë e Tiranës Erion Veliaj e ka bërë këtë premtim gjatë një takimi që ka patur me drejtues të lartë të ekipit Tirana duke shpallur edhe projektin që ka ai për këtë skuadër nëse merr drejtimin e bashkisë pas zgjedhjeve të 21 qershorit. Veliaj tha se stadiumi ?Selman Stërmasi? do të ndërtohet jashtë qytetit në mënyrë që të ketë vende parkimi dhe sipas standardeve bashkëkohore.?Ne do të bashkëpunojmë me qeverinë që stadiumi kryesor i Tiranës të jetë diku jashtë Tiranës, që të ketë dhe mundësi parkimi. Por, kjo s?do të thotë që të lëmë hapësira të tilla, të cilat fare mirë mund të përdoren nga Tirana dhe të jepen me qera për klube të tjera.?Duke dëgjuar nga afër problemet që ka ky ekip, ku mungojnë gjërat më elementare, si dhomat e veshjes për futbollistët dhe buxhet të kufizuar, Veliaj premtoi se bashkia e re nën drejtimin e tij do t?i kthejë klubit respektin që meriton.?Bashkia e re e Tiranës do të kthejë respektin e munguar, por edhe mbështetje të plotë. Bashkia do të ndihmojë dhe klubet e tjera, edhe Partizanin, Dinamon, Studentin, Farkën, Dajtin sepse bashkia është bërë shumë e madhe. Kjo është një bashki që ka 1 milion banorë dhe 24 njësi vendore?.Bashkia e Tiranës është pronare e 34% të aksioneve të klubit 24 herë kampion të vendit dhe sipas kandidatit Veliaj, ajo do të jetë një nga prioritetet e tij pas 21 qershorit.
