http://www.vizionplus.tv
https://facebook.com/VizionPlusTV
https://twitter.com/VizionPlusTV
Ka zgjedhur një ambient më komercial për të ekspozuar punimet e tij. Igli Marion është i riu që vjen nga shkolla e pikturës italiane e që ka ekspozuar disa nga punimet e tij nën titullin METAMORFOZE.Pikturat janë të mbushura me simbole nga bota mitike dhe ajo moderne. Kjo nuk është ekspozita e tij e parë dhe duket se loja e ngjyrave të forta me botën mitike është një nga ato detaje që e bëjnë këtë artist të veçantë në artin vizual. Ai kishte kohë që i mungonte shfaqjeve të tilla artistike. Eljan Tanini tashmë i njohur për format e veçanta të përcjelljes së artit të tij, këtë herë vjen më një ekspozitë ndryshe. Nën titullin Njolla te urta ekspozita sjell më shumë se 20 punime për të cilat Tanini është kujdesur përgjatë një viti. Eljani e ka quajtur këtë një ekspozitë tërësisht jopersonale, por loja me elementet të përditshmërisë, e bën atë tejet private për ata që e kanë vizituar. Shumë të veçantë këtë ekspozitë e bën edhe vendi ku ato janë ekspozuar, i cili në thelb shpreh edhe një tjetër mesazh të Taninit. Ekspozita do të qëndrojë e hapur deri në datën 8 prill.
