http://www.vizionplus.tv
https://facebook.com/VizionPlusTV
https://twitter.com/VizionPlusTV
Nis rrugëtimin konkursi i talenteve në ekranin e Vizion Plus. ?Tu si que vales?, një patentë tashmë e suksesshme e Endemol në botë, vjen edhe në Shqipëri gati për zbulimin e talenteve të reja. konkursi që pret çdokënd që mendon se pasioni e shtyn drejt një shfaqjeje të guximshme apo artistike ka përcjellë në takimin e tij të parë performanca të jashtëzakonshme. Nuk kanë munguar në këtë takim të parë edhe shumë më shumë gjatë fazave të tjera të konkursit edhe batutat e panelit të jurisë. Holta Dulaku, Agron Lllakaj, Kristi Popa dhe Vikena Kamenica jo pak herë janë mahnitur nga performancat e para, duke dërguar në fazën e dyte të konkursit, shumë nga performuesit e natës së parë të këtij talent show. Objektivi është zbulimi i talenteve në fusha të ndryshme si humor, kërcim, këngë apo ekzibicione moderne. Konkurrentët i nënshtrohen vendimit të jurisë për të kaluar në fazën eliminatore. një rol të rëndësishëm në kalimin e konkurrentit në fazën eliminatore ishte edhe vota e publikut, verdiktin e së cilës e përcolli Vikena Kamenica. Jo pak i rëndësishëm është edhe çmimi i fituesit të këtij konkursi, një premio prej 30 mijë eurosh.
