http://www.vizionplus.tv
https://facebook.com/VizionPlusTV
https://twitter.com/VizionPlusTV
?Mirënjohje të thellë dhe falenderime gjithsecilit protestues, nga i pari tek i fundit, për qytetarinë, për kulturën e lartë demokratike, për përgjegjësinë dhe vendosmërinë e treguar, siç i ka hije një populli civil të një vendi evropian, duke dëshmuar se bashkimi pa dallime politike është forca jonë, pjesëmarrja është forca jonë, është forca e demokracisë?. Por deklarata e Lulzim Bashes nje dite pas protestës nuk ishte vetëm nje deklarate falenderimesh. Ne daljen para medias lideri i opozitës Basha theksoi se protesta e te enjtes nuk kërkoi vetem largimin e Ilir Metes, por përçoi mesazhin se kjo qeveri e ka mbyllur ciklin e saj pasi ka tradhtuar kontratën me zgjedhësit, duke përmendur edhe njëherë zgjedhjet e parakohshme. ?Prej dy vitesh politika e tyre e lakut në fyt, e rripit që shtrëngohet për qytetarët, ka mbjellë vetëm përkeqësim, papunësi, mjerim, mungesë besimi, varfëri. E keqja ka mbërritur në kockë tek çdo familje e në çdo vatër. Eshtë e qartë se askush nuk mund të presë më ditën e votimit që të shkëpusë kontratën me këta oligarkë besëprerë me popullin. Largimi i tyre është thirrja, është rruga e daljes nga kriza?. Ashtu si dhe ne proteste, Basha ka folur serish per një oferte te re qe do te vije nga opozita per qeverisjen e vendit.
