http://www.vizionplus.tv
https://facebook.com/VizionPlusTV
https://twitter.com/VizionPlusTV
Kjo është situata që paraqitet këtë fillim jave në qytetin e Korçës. Dëbora që ka përfshire të gjithë juglindjen ka sjellë një sërë problemesh kryesisht në zonat e thella, aty ku dhe trashësia e dëborës shkon deri ne 50 cm. Për shkak të prezencës së akullit në rrugë, lëvizja e automjeteve bëhet vetëm me zinxhirë. Mësimi është pezulluar vetëm në komunën e Vithkuqit dhe Lavdarit të Korçës, pasi rruga është bllokuar. Ndërsa në pjesën tjetër të qytetit sipas prefektit Ardian Konomi mësimi vazhdon normalisht. Për shkak të reshjeve të borës të rëna gjatë natës kanë mbetur të izoluat komunat Vithkuq, Lekas, Dardhas e Velçan.
