http://www.vizionplus.tv
https://facebook.com/VizionPlusTV
https://twitter.com/VizionPlusTV
Rrethohet nga forca te shumta policore Ambasada e Shqiperise ne Beograd. Veç forcave te shumta policore qe nuk jane verejtur ndonjehere me pare ne nje numer te tille, eshte vendosur edhe nje autoblind qe sherben per shperndarjen me uje te turmave ne raste protestash, si dhe kater autoblinda te tjere policie. Burime zyrtare nga Ministria e Puneve te Jashtme te Shqiperise, thane per Vizion Plus se dyshohet qe ndaj selise tone diplomatike ne kryeqytetin e Serbise, mund te ndermerret ndonje sulm nga demonstrues. Autoritetet serbe te sigurise u kane komunikuar perfaqesuesve shqiptare ne Ambasade se masat merren per shkak se sot luhet ne Beograd derbi i kryeqytetit mes Partizanit dhe Crvena Zvezdes dhe ekziston mundesia qe turma njerezish te sulmojne seline tone diplomatike. Per momentin, sipas burimeve nga Ministria e Jashtme, nuk ka asnje protestues serb perpara Ambasades dhe stafi yne diplomatik nuk ndodhet perballe ndonje rreziku.
