http://www.vizionplus.tv
https://facebook.com/VizionPlusTV
https://twitter.com/VizionPlusTV
Dy vëllezërit rom Klisman 7 vjeç dhe Kristi 13 sot në këtë ditë të parë të shkollës duhet të ishin ulur në bankë me bashkëmoshatarët e tyre. Por për ta kjo është e pamundur. Klismani dhe Kristi nuk kanë as këpucë dhe as veshjen e duhur për të shkuar në shkollë për të mos thënë librat dhe sendet e tjera të domosdoshme. Ata jetojnë së bashku edhe me gjashtë vëllezërit e tjerë në këtë dhomë mes një varfërie ekstreme. Ne këtë banesë ka vetëm mungesa. Nëna e tyre e papunë është dorëzuar të gjejë vetë një zgjidhje e tani kërkon ndihmë. Kushtet e vështira ekonomike kanë penguar edhe 90 fëmijë të tjerë të komunitetit rom të shkojnë në shkollë këtë vit, shifra këto që i referohen shoqatës së tyre në Korçë. Situata është e njëjtë edhe për fëmijët e tjerë të komuniteti egjiptian në qytetin e Elbasanit. Dhjetëra prej tyre së bashku me prindërit kanë zgjedhur që ta bojkotojnë këtë ditë të parë të mësimit. Ata kërkojnë që tu sigurohen librat falas sikurse edhe fëmijëve rom. Janë rreth 170 nxënës të komunitetit rom dhe egjiptian në Elbasan që studiojnë në shkollën nëntë vjeçare ?Ptoleme Xhuvani?.
