http://www.vizionplus.tv
https://facebook.com/VizionPlusTV
https://twitter.com/VizionPlusTV
Arrestimi i guvernatorit të Bankës së Shqipërisë Ardian Fullani, është pasqyruar edhe në mediat më të njohura në botë. Agjencia e lajmeve ?Reuters? shkruan se Fullani u prangos mbrëmjen e së premtes nën akuzën e shpërdorimit të detyrës, pas vjedhjes së 713 milionë lekëve nga një punonjës i bankës.Arrestimi i guvernatorit, vijon agjencia, vjen pesë javë pasi Ardian Bitraj pranoi që kishte vjedhur shumën në fjalë në harkun e katër viteve. Më tej, ?Reuters? shkruan se Fullani kishte refuzuar të jepte dorëheqjen edhe pas protestave të qytetarëve, të cilët firmosën edhe një peticion kundër tij.Media prestigjioze raporton edhe arrestimin e inspektores së përgjithshme të bankës, Elivar Golemi, që e çon në 19 numrin e personave që po mbahen për vjedhjen e madhe. Media të tjera të rëndësishme, si agjencia ?Asociated Press?, gazeta britanike ?Daily Mail?, ?Balkan Insight?, ?Evropa e lirë?, ?Zëri i Amerikës? e shumë të tjera kanë publikuar lajmin e arrestimit të guvernatorit Fullani. Madje edhe agjenci në Azi dhe Amerikë kanë pasqyruar ngjarjen.
