http://www.vizionplus.tv
https://facebook.com/VizionPlusTV
https://twitter.com/VizionPlusTV
Humbja e jetës së tre kolegëve i ka mbledhur punëtorët e hidrocentralit të qafë mollës përpara zyrave të firmës turke në Rrëshen. Pasi mbajtën një minute heshtje ne nderim te tyre, rreth 200 punonjës protestuan për diskriminimin qe po iu behet nga firma ndërtuese. Ata kërkojnë që institucionet shtetërore të marrin masa të menjëhershme për garantimin e kushteve të punës dhe sigurinë e jetës. Protestës i janë bashkuar edhe banorë të zonës. dy ditë më parë shembja e një pjese të tunelit rreth 2000 metra nën tokë u mori jetën punëtorëve Ndue Legisi, 50 vjeç, Pjetër Doda, 38 vjeç dhe turkut Hasan Atef, 52 vjeç. Dëshmitë e punëtorëve të hidrocentralit treguan se firma punon pa asnjë lloj kushti sigurie. Ndërkohë Prokuroria e Lezhës ka nisur hetimet për ngjarjen e rëndë ndërsa grupi i ekspertëve nga inspektorati i punës në tiranë dhe ai i Lezhës po vijojnë verifikimet në terren mbi shkaqet e aksidentit të rëndë.
