http://www.vizionplus.tv
https://facebook.com/VizionPlusTV
https://twitter.com/VizionPlusTV
Pas zbulimit të sasive të mëdha të lëndëve narkotike ne Lazarat, një arsenal armësh te fshehura edhe jashtë kufijve të fshatit është gjetur nga policia. Mortaja, predha kundërtank mitraloze, bomba dhe fishekë u zbuluan përgjatë bregut te lumit Drino në Gjirokastër. Pas zhytjeve në ujërat e lumit, u nxorën edhe një sërë arkash me municione. Ky është arsenali më i madh i armëve qysh prej fillimit të aksionit, që është sekuestruar nga policia. Sipas specialistëve mendohet se ky arsenal ka qenë në dispozicion te grupit të personave të shpallur në kërkim që ka goditur policinë ne Lazarat. Vëmendja e forcave blu mbetet në territorin e fshatit. 15 automatikë janë gjetur nga policia në lagjen Bregu i Gjoshes në Lazarat. Armët pjesërisht të djegura ishin hedhur në shkurret e përroit që ndodhet poshtë teleferikut. Kjo kavo çeliku dyshohet se shërbente nga trafikantët për transportin e mariuhanës në pjesën e poshtme të fshatit.Listës së të arrestuarve në Lazarat nga policia e shtetit i është shtuar edhe Vangjel Tule, pasi në banesën e tij u gjeten kanabis si dhe materiale luftarake. Numri I të arrestuarve deri tani ka shkuar në 27. Një ditë më para nga Pallati i Brigadave kryeministri Edi Rama ka përshëndetur dhe falenderuar të gjitha forcat e policisë që morën pjesë në operacionin kundër narkotrafikut në Lazarat. Për kryeministrin ishin këta efektivë që I ngritën kokën lart Shqipërisë.
