http://www.vizionplus.tv
https://facebook.com/VizionPlusTV
https://twitter.com/VizionPlusTV
Evoluimi dhe reformimi i Policisë së Kosovës, në bashkëpunim me komunitetin ndërkombëtar, është një prej pikave më të forta të shtetit të ri. Si rezultat, Kosova është një prej vendeve me kriminalitetin më të ulët në rajon, përllogaritur sipas numrit të popullsisë. Forcat Speciale të Policisë së Kosovës, të pajisur me mjetet më moderne, garantojnë siguri dhe zgjidhje në situata të vështira. Të ndarë në pesë komponentë, këto forca udhëhiqen nga njësia elitë, me 60 anëtarë, të gatshëm për të ndërhyrë në situatat më të rrezikshme.Përfaqësuesit e qeverisë së Kosovës thonë se reformimi i strukturave të policisë, sipas kërkesës së bashkësisë ndërkombëtare, është edhe një nga arsyet kryesore të rritjes së efikasitetit. Veç evoluimit të forcave policore, është kryer me sukses edhe integrimi i serbëve ne strukturat policore, sipas Marrëveshjes së Brukselit. Pjesa më e madhe e tyre janë rikthyer në punë, ndërsa janë bërë edhe rekrutime të reja, pas trajnimeve në Akademinë e Sigurisë Publike, e cila ndodhet në Vushtrri.
