http://www.vizionplus.tv
https://facebook.com/VizionPlusTV
https://twitter.com/VizionPlusTV
Policia e Korçës ka arrestuar 7 persona, të cilët akuzohen për veprën penale të kontrabandës. Mes të prangosurve janë tre efektivë të policisë kufitare, dy doganierë si dhe dy tregtarë. Të gjithë këta në bashkëpunim me njëri-tjetrin akuzohen se kanë kaluar një sasi të konsiderueshme malli nëpërmjet pikës së kalimit kufitar Goricë pa kryer me parë çdoganimin e ngarkesës, e cila vinte nga Maqedonia. Dy doganierët e arrestuar nuk kishin as një muaj që kishin filluar punë në këtë shërbim. Policia e Korçës dhe dogana nuk bëjnë të ditur sa ka qenë shmangia e detyrimit doganor.
