http://www.vizionplus.tv
https://facebook.com/VizionPlusTV
https://twitter.com/VizionPlusTV
Maqedonia është në heshtje zgjedhore, pasi të dielën zhvillohen zgjedhjet e përgjithshme presidenciale. Të drejtën e votës në këtë proces e kanë mbi 1.77 milion qytetare, në një proces që nis në orën 7:00 të mëngjesit dhe mbyllet në orën 19:00 të mbrëmjes. Zgjedhjet do të mbahen dhe në diasporë ku sipas Komisionit Shtetëror Zgjedhor, pritet të votojnë mbi 8300 vetë. Në garën për këtë proces janë katër kandidat: Georgi Ivanov nga VMRO-DPMNE; Stevo Pendarovski nga LSDM-ja, Zoran Popovski nga GROM dhe kandidati i vetëm shqiptar nga radhët e PDSH-së, Iljaz Halimi. Ndërkohë partia tjetër shqiptare, ajo e Bashkimit Demokratik për Integrim nuk përfaqësohet me asnjë kandidat dhe ka bërë thirrje për bojkot, pasi kërkesa e saj për një president konsensual nuk është pranuar. Menjëherë pas zgjedhjeve presidenciale, në Maqedoni vijon fushata e zgjedhjeve të parakohshme parlamentare që do të mbahen me 27 prill. Fushata për parlamentaret ka nisur më 5 prill. Të dyja proceset zgjedhore do të monitorohen nga vëzhgues vendas e të huaj.
