http://www.vizionplus.tv
https://facebook.com/VizionPlusTV
https://twitter.com/VizionPlusTV
Për herë të parë, 87 mijë punonjësit e administratës publike do të kontrollohen për çdo vendim që marrin gjatë ushtrimit të detyrës dhe nëse ato kanë konflikt interesi. Ky ligj ka ekzistuar që në vitin 2005, por po zbatohet pas 9 vjetësh nga kreu i ri i Inspektoriatit të Lartë të Deklarimit dhe Kontrollit të pasurive, Shkleqim Ganaj. I kontaktuar nga Vizion Plus, zoti Ganaj sqaroi se ligji synon vendimmarrje të paanshme, transparente dhe duke parandaluar konfliktin e interesit në punë nga zyrtarët e shtetit. Sipas nenit 10 të ligjit për këtë çështje mbledhjen e të dhënave ndaj çdo punonjësi të administratës publike do ta kryejnë institucionet ku ata punojnë.
