http://www.vizionplus.tv
https://facebook.com/VizionPlusTV
https://twitter.com/VizionPlusTV
Drafti për reformën e pensioneve është gati dhe do t'i paraqitet qeverisë brenda kësaj jave. Por rishikimi i skemës nuk do të prekë rritjen e moshës së daljes në pension për ata që janë në prag të tij. Këtë garanci e jep Ministri i Mirëqenies sociale dhe Rinisë Erjon Veliaj. Vizion plus ka siguruar dokumentin që parashikon ndryshimet në fushën e pensioneve. Sipas këtij projektligji reforma bazohet në dy opsione. Variant i parë sipas ekspertëve që kanë punuar në përpilimin e draftit, parashikon vendosjen e një sistemi të alternuar të pensioneve bazuar në një sistem publik bazë të konsoliduar dhe një sistemi privat të zhvilluar.
