http://www.vizionplus.tv
https://facebook.com/VizionPlusTV
https://twitter.com/VizionPlusTV
Gjykata e Krimeve të Rënda ka nisur sot gjykimin për biznesmenin Arben Frroku i akuzuar për vrasjen e ish-krykomisar Dritan Lamaj. Seanca nisi rreth orës 9.00 të mëngjesit, me praninë e vetë të pandehurit dhe dy avokatëve të tij mbrojtjes Genc Gjokutaj dhe Tonin Prendi. Pasi lexuan kërkesën për gjykim prokuroret e çështjes kërkuan pyetjen në cilësinë e dëshmitarit të 70 personave, mes të cilëve dy dëshmitarë okulare për ngjarjen. Ndërkohë vetë i pandehuri ka mohuar akuzën duke deklaruar në seancë se ky është një proces i montuar politikisht nga Prokuroria e cila sipas tij nuk ka asnjë prove për fajësinë e tij. Pyetja e dëshmitareve pritet të nisë javën që vjen, ndërkohë që Gjykata ka vendosur zhvillimin e procesit çdo javë.
