http://www.vizionplus.tv
https://facebook.com/VizionPlusTV
https://twitter.com/VizionPlusTV
Besimtaret bektashinj festojnë sot ditën e Sulltan Nevruzit, ditë në të cilën ata i gëzohen ardhjes së pranverës dhe njëherësh nderojnë Imam Aliun i cili ka lindur në 22 mars. Për këtë komunitet Sulltan Nevruzi përfaqëson ditën e ringjalljes dhe të shpresës që vjen bashkë me pranverën. Prej vitit 1930 në Shqipëri ndodhet edhe qendra botërore e bektashinjve. Historia e ka zanafillën tek reformat e Mustafa Kemal Ataturkut i cili urdhëroi klerikët që petkun fetar ta vishnin vetëm në faltore, por jo në ambiente të tjera. Kryegjyshata botërore me qendër të Haxhibektash asokohe drejtohej nga një klerik me origjinë shqiptare Sali Njazi Dede i cili vendosi të zhvendoste selinë. Që prej vitit 1930 kryegjyshata botërore ndodhet në Shqipëri, ajo u mbyll në vitin 1967, kur regjimi komunist ndaloi fenë dhe u rihap serish pas rënies se diktaturës.
