http://www.vizionplus.tv
https://facebook.com/VizionPlusTV
https://twitter.com/VizionPlusTV
Ndjek rregullisht kopshtin dhe është po aq aktive sa fëmijët e moshës së saj. Por ndryshe nga të tjerët, në qelizat e kësaj 4-vjeçare ka një kromozom më tepër, 47. Belkisa nga Tirana ka lindur me Sindromën Down. Përballja me këtë realitet katër vite më parë nuk ishte e lehtë për prindërit dhe dy motrat më të mëdha. Nëna e Belkises, tregon se ky defekt kromozomesh mund të ishte diktuar nga mjekët që në shtatzëni. Ndërsa pas lindjes ishin po mjekët sipas saj që Sindromën Down e interpretonin si sëmundje që ndikon në jetëgjatësinë e të prekurve. Në sajë të përkushtimit të familjes dhe këmbënguljes se prindërve e mitura, bën një jetë normale duke iu nënshtruar terapive dhe aktiviteteve fizike. Por nuk ndodh kështu për shumë familje të tjera. Rehabilitimi i vazhdueshëm i personave me Sindromën Doën kushton shumë, ndërsa shteti jep çdo muaj për ta 9600 leke të rinj. Në ditën botërore te Sndromës Down prindërit kërkojnë lehtësia në shërbimet ndaj tyre. Në Shqipëri nuk ka shifra për numrin e personave me Sindromën Down, por referuar statistikave botërore 1 në 800 persona lindin me anomali të tilla, në kromozomin e 21. Në vendin tonë personat me Sindromën Down ende përballen me paragjykimin dhe problemet e integrimit në shoqëri. Ndryshe nga ditët e para të jetës së Belkisës, sot prindërit e saj kanë thyer paragjykimet. Sindoma Down tek Belkisa, kurrsesi nuk kushtëzon dashurinë e prindërve për të dhe as planet e tyre për të ardhmen.
