http://www.vizionplus.tv
https://facebook.com/VizionPlusTV
https://twitter.com/VizionPlusTV
Këtë të dielë do të zhvillohen edhe ndeshjet e tjera të javës së 24 të superligës ku spikat më së shumti në Loro Borici takimi mes dy skuadrave me më shumë traditë në futbollin shqiptar Vllaznia dhe Partizani që do të luhet në orën 14:00. Vllaznia ndodhet në vendin e 9 me 26 pikë në zonën e rënies nga kategoria prandaj ndeshja ndaj të kuqve është e një rëndësia të veçante. Për trajnerin e kuqebluve Samuel Nikaj për të cilin kjo është ndeshja e dytë që drejton skuadrën pas largimit të Agim Canaj, ndaj Partizanit nuk mund të diskutohet rezultat tjeter veç fitores. Por me interes maksimal këtë të dielë priten edhe takimet e tjera ku në Tiranë, bardheblutë do të kërkojnë 3 pikë të tjera në kuadër të objektit mbijetesë kundër Kukesit të cilët e mundën pak jave më parë 3 me 1. Në Vlore, Flamurtari do të kërkoje të dalë nga kriza e rezultateve përballë një kundërshtari si Teuta që synon zonën evropiane ndërsa Besa në fushën e vet synon fitoren e radhës për t'iu larguar sa më shumë zonës së ftohtë.
