http://www.vizionplus.tv
https://facebook.com/VizionPlusTV
https://twitter.com/VizionPlusTV
7300 familje të varfra në qarkun e Lezhës nuk marrin dot ndihmën ekonomike. Shkak për këtë është bërë papërgjegjshmëria e pushteteve vendore të cilët nuk zhvillojnë në kohen e duhur mbledhjet e Këshillave Bashkiak dhe Komunal. Përballë kësaj situate të vështirë dhe të pazakontë, shërbimi social i bën apel bashkive dhe komunave të zhvillojë mbledhjet për shpërndarjen e ndihmës ekonomike për familjet në nevojë. E nëse 13% e familjeve të varfra në qarkun e Lezhës presin mbledhjen e Këshillave Vendor për të marrë ato pak para nga ndihma ekonomike, anëtaret e këshillave shkojnë ose jo në mbledhje e marrin rregullisht pagën e tyre.
