http://www.vizionplus.tv
https://facebook.com/VizionPlusTV
https://twitter.com/VizionPlusTV
2 vjet më parë klasa politike u përfshi në një debat të fortë për djegien e fletëve të votimit të zgjedhjeve të qershorit 2009 dhe në të gjitha mediat pamjet e flakëve të zjarrit që digjnin fletët e votimit ishin ndër lajmet kryesore. Sot procedura e asgjësimit të fletëve të votimit nuk është çështje debati mes partive politike, por fatmirësisht është shndërruar në debat për ndikimin në mjedis. Sipas vendimit të KQZ do të zhvillohet një ankand për të përzgjedhur firmën që do të riciklojë fletët e votimit. Për të mos cenuar fshehtësinë e votës i gjithë procesi do të mbikëqyret nga një komision i posaçëm dhe shteti ka mundësi të fitoje para nga kjo procedure. Sipas ambientalistëve që mbështesin vendimin e KQZ, kultura e riciklimit duhet të shtrihet tek të gjitha institucionet. Riciklimi i fletëve të votimit u bë i mundur edhe falë ndryshimit të kodit zgjedhor i cili nuk detyron KQZ t'i djege ato, por i le hapësirë për të zgjedhur një mënyrë asgjësimi.
