http://www.vizionplus.tv
https://facebook.com/VizionPlusTV
https://twitter.com/VizionPlusTV
Një shprehje thotë se personaliteti ynë reflektohet edhe në shtëpinë ku banojmë! Ndaj, jo më kot mentaliteti, mikpritja, kultura dhe tradita është edhe banesa jonë tradicionale. Pikërisht kësaj te fundit, arkitekti Maksim Mitrojorgji i ka kushtuar një studim disa vjeçar, por krahas aspektit historik qëndron përshtatja e elementeve të banesës sonë tradicionale, tek ndërtimet e sotme. 130 objekte nga jugu në veri janë marrë në analizë si banesa me vlere të rrallë të formës arkitektonike. Tipologji të ndryshme, të cilat mund t'i shohim tek kullat e veriut apo shtëpitë e gurta të Gjirokastrës. Banesat tona popullore, të cilat janë konservuar pak në kryeqytet, e më shume në Berat, Gjirokastër, Korçë apo Shkodër janë specifike, por mes atyre të qytetit dhe fshatit, të fundit konsiderohen unike.
