http://www.vizionplus.tv
https://facebook.com/VizionPlusTV
https://twitter.com/VizionPlusTV
Skënderbeu-Vllaznia është një nga ndeshjet më të rëndësishme të kësaj jave të parë të gjysmës së dytë të sezonit. Korçarët janë në kërkim të fitores së radhës që do të përforconte pozitat në krye të klasifikimit, nga ana tjetër edhe shkodranët do të kërkojnë për të mos dalë pa pikë nga transferta e kësaj jave me kampionët. Takimi për kapitenin e Skënderbeut, Bledi Shkëmbi dhe portierin Orges Shehi duhet vlerësuar në maksimum pasi Vllaznia është nga ato ekipe që nuk kalohet lehtë edhe duke luajtur në shtëpi. Krejt ndryshe nga gjitha skuadrat e tjera korçarët nuk kanë lëvizur pothuajse fare në merkaton e dimrit.Ndërkohë, Vllaznia udhëton drejt Korçës për të synuar një rezultat pozitiv dhe për ta filluar mbarë pjesën e dytë të sezonit, edhe pse në radhët e ekipit nuk ka arritur që të ofrojë lojtarë shumë cilësorë. Gjatë merkatos së janarit, vetëm dy blerje ka realizuar ekipi shkodran, pikërisht Nikolla Vukçeviç dhe Milan Nikoliç të cilët kanë luajtur më parë në kampionatin shqiptar. Gjithashtu Vllaznia ka afruar edhe disa ish-lojtarë të saj si mbrojtësin Antonio Marku nga skuadra e Kukësit, mesfushorin Stivi Shaba nga Kastrioti.
