http://www.vizionplus.tv
https://facebook.com/VizionPlusTV
https://twitter.com/VizionPlusTV
Për të marrë diplomën e Shkollës së Mesme tashmë duhet të kalosh edhe testin e gjuhës së huaj. Duke filluar nga ky vit maturantet do të kenë të detyruar provimin e gjuhës së huaj të cilën e kane kryer gjatë shkollës apo atë që preferojnë mes katër gjuhëve kryesore. Zv/ministria e arsimit Nora Malaj sqaron për Vizion Plus se ky provim i renditur pas gjuhës shqipe dhe matematikes, është një testim kombëtar jo vetëm për njohuritë e nxënësve në gjuhët e huaja, por dhe nivelin e mësuesve që e japin këtë lëndë. Ndryshe nga katër provimet e tjera të maturës shtetërore, nota e testimit të gjuhës se huaj nuk do të llogaritet në rezultatet përfundimtare të nxënësit për hyrjen në Universitet. Por nëse një maturant nuk arrin të kalojë testin e gjuhës së huaj, ai mbetet për në vjeshtë së bashku me dy provimet me zgjedhje. Testimi kombëtar për lëndën e Anglishtes, Gjermanishtes, Italishtes apo Frëngjishtes do të hartohet nga Ministria e Arsimit. Ndryshe nga provimet e tjera, testimi i gjuhës së huaj do të administrohet nga drejtoritë rajonale, çka e bën edhe më të thjeshte provimin. Edhe pse këtë vit do të aplikohen dy standarde administrimi, ky provim pritet të nxjerre në pah nivelin e nxënësve pas 10 vitesh mësim të gjuhës së huaj në shkollë por të mësuesve që e japin këtë lëndë.
