http://www.vizionplus.tv
https://facebook.com/VizionPlusTV
https://twitter.com/VizionPlusTV
Si kjo vogëlushe, qindra të tjerë në qytetin e Korçës besojnë tek babagjyshi dhe plotësimin prej tij të dëshirave për dhuratat e Vitit të Ri. Ndaj për ta bërë më të besueshme këtë, në orët e vona të darkave babagjyshët dalin nëpër qytet dhe shpërndajnë nëpër shtëpitë e fëmijëve, dhuratat që në fakt atyre ua kanë blerë më herët prindërit e tyre. Vaske Niço është një nga babagjyshët e njohur të qytetit që çdo fundviti merr këtë pamje dhe bashkë me babagjyshë të tjerë shkon për të gëzuar vogëlushët në shtëpi. Pasi kanë lumturuar shumë fëmijë me dhuratat që ata i kishin dëshiruar prej kohësh, babagjyshët shkuan mbrëmë vonë në shtëpinë e këtyre dy vogëlushëve, ku vendosën dhuratat poshtë pemës së krishtlindjeve.
