"Në Beragozhdë, jeta fillon dhe përfundon në këto galeri. Pak ditë më parë, një tragjedi u mori jetën 5 të rinjve, por edhe sot gjithçka vazhdon të jetë e njëjtë. Galeritë mbeten të hapura, ndërsa mbi to duket qartë rreziku që u kanoset këtyre banorëve. Kushtet ekstreme, varfëria dhe skamja, i detyrojnë ata që të shkelin mbi vdekjen dhe të gërmojnë për të nxjerrë skrap, për të mbijetuar e për t'u përballur me jetën e vështirë".
