http://www.vizionplus.tv
https://facebook.com/VizionPlusTV
https://twitter.com/VizionPlusTV
Një investim i suksesshëm për jetën mund të cilësohet ai i nxënësve që përfundojnë shkollën e Mesme Profesionale shtetërore "Beqir Çela" në Shkozet të Durrësit. Afro 70 për qind e nxënësve që përfundojnë këtë shkollë gjejnë menjëherë punë. Në bankat e saj kanë përfunduar edhe Elvisi dhe Albani, të cilët tashmë janë edhe pronarë të bizneseve të instalimit të impianteve të gazit dhe autoserviseve. Ata shprehen se shkolla që kanë mbaruar ka qenë baza e njohurive mbi të cilën kanë ndërtuar tani për tani ëndrrën e tyre. Kjo shkollë është vizituar së fundmi nga ministri i Mirëqenies Sociale dhe Rinisë, Erion Veliaj, i cili vlerësoi punën që bëhet aty, duke garantuar stafin e saj dhe prindërit e nxënësve për t'i ndihmuar më shumë në të ardhmen. Në të njëjtën linjë është edhe drejtori i shkollës, i cili u shpreh se ky institucion është baza e jetës për këta nxënës, ndërsa ka kërkuar që të mundësohet ndërtimi i një godine të re për shkollën. Në këtë shkollë ndjekin studimet në degë të ndryshme 1300 nxënës, ndërsa vetëm në vitin e parë janë regjistruar 440 nxënës nga rrethe të ndryshme të vendit.
