http://www.vizionplus.tv
https://facebook.com/VizionPlusTV
https://twitter.com/VizionPlusTV
Gjergj Bojaxhi, anëtar i Këshillit Kombëtar të Partisë Demokratike beson se kryetari i ri i opozitës Lulzim Basha nuk është njeriu i duhur që mund të orientojë këtë forcë politike drejt reflektimit pas humbjes së thellë. Për të, ish-kryeministri Berisha nuk është larguar realisht nga drejtimi i PD-së. Zoti Bojaxhi, që ka mbajtur edhe post zv/ministri beson se kishte një zemëratë të thellë popullore kundër qeverisjes së djathtë. I ftuar në emisionin "7 pa 5" në Vizion Plus, zoti Bojaxhi tha se largimi i kompanisë CEZ, ishte i gabuar. Por megjithë sinjalet për ta zgjidhur çështjen jashtë gjykatës së arbitrazhit, ish-kreu i KESH beson se do ketë një divorc të butë dhe jo rikthim të CEZ në Shqipëri. Ndërsa duke komentuar aksionet e fundit për ndërtimet pa leje, Gjergj Bojaxhi shprehet se simbolika është e duhura.
