http://www.vizionplus.tv
https://facebook.com/VizionPlusTV
https://twitter.com/VizionPlusTV
Këto janë pasojat e shpërthimit të telekomanduar të tritolit të vendosur në këtë automjet fuoristradë në lëvizje në qytetin e Vlorës. Drejtuesi i tij Ermal Brahimaj nga fshati Babicë ka qenë duke udhëtuar në rrugën transballkanike dhe në momentin që ka qenë duke hyrë në një lavazh automjeti ka shpërthyer. 31- vjeçari Brahimi është goditur nga vala e gjerë e shpërthimit dhe është plagosur rëndë. Ai është transportuar nga automjete të rastit në spitalin rajonal të Vlorës. Shpërthimi i mëngjesit të kësaj të shtune ka krijuar panik në zonën e populluar në rrugës transballanike. Ekspertët e shpërthimeve nga këqyrja e parë e automjetit, flasin për një shpërthim të telekomanduar por që është aktivizuar me vonesë. Qarkullimi në rrugën ballkanike është bllokuar për më shumë se dy orë pasi vendi i shpërthimit është rrethuar nga policia për të mbledhur çdo provë të mundëshme. Shpërthimet me lëndë plasëse të telekomanduara në qytetin e Vlorës kanë krijuar ndjenjë pasigurie dhe terror tek banorët. Brenda dy vjetësh ky është i treti shpërthim i këtij lloji. Deri me tani askush nuk është ndaluar nga policia dhe ne 100 per qind te ngjarjeve te tilla s'ka patur autor. Shpërthimi dhe flaket nuk lëne gjurmë në automjetet e shkatërruara.
