http://www.vizionplus.tv
https://facebook.com/VizionPlusTV
https://twitter.com/VizionPlusTV
Tymi rreth vendgrumbullimit të mbeturinave në Patos, ka ndotur ajrin e tre fshatrave. Janë mbi një mijë familje në këtë zonë që prej dy muajsh, vuajnë pasojat e djegies së plehrave të qytetit. Në mungesë të trajtimit të mbetjeve dhe të një fushe larg zonës së banuar të patosit, bashkia I depoziton ato, në një hapësire pranë fshatrave periferikë. Personat që mbledhin mbetjet metalike dhe kryesisht kanaçe, u vene zjarrin plehrave, për të lehtësuar gjetjen e mbetjeve metalike. Tymi i ngarkuar me substance kancerogjene, mbulon gjithë zonën. Bashkia Patos në dijeni të situatës, kërkon bashkëpunimin e banorëve për shmangien e djegies së mbeturinave, ndërsa zgjidhjen e sheh në zbatimin e projekteve për grumbullimin dhe riciklimin e tyre, për të cilët, deri tani nuk ka patur fonde. Në këtë fushë grumbullimi mbetjesh urbane çdo ditë hidhen më shumë se 25 ton plehra dhe rreth 9 mijë ton në vit, duke shkaktuar një ndotje të rëndë për zonën me pasoje ne shëndetin e banoreve.
