جو نہ ہوتا تیرا جمال ہی
یہ جہاں تھا خواب و خیال ہی
صَلُّوعَلیہِ وَآلہ
ماہ و مہر میں تیری روشنی
ہوئی ختم تجھ پہ پیغمبری
نہیں تجھ سا تیرےسوا کوئی
کرےکون تیری برابری
یہ نہیں کسی کی مجال ہی ۔۔۔۔۔۔۔صَلُّوعَلیہِ وَآلہ
نہ فصیل ہےنہ محل سرا
تیرا فرش ہےوہی بوریا
تیرےجسم پاک پہ اک قبا
وہ بھی تار تار ہےجابجا
تیری سادگی ہےکمال ہی
صَلُّوعَلیہِ وَآلہ
تو کلیم ہےتو کریم ہے
تو رؤف ہے‘ تو رحیم ہے
تو حبیبِ ربِّ کریم ہے
تیری شان سب سےعظیم ہے
نہیں کوئی تیری مثال ہی ۔۔۔۔صَلُّوعَلیہِ وَآلہ
