اب تھام لو جگر کہ غزل ہم سنائیں گے - قتیل شفائی

وہ داد پا چکے جو سخن کے ہیں مدعی
اب تھام لو جگر کہ غزل ہم سنائیں گے

کہہ دو انہیں کہ جن کو ہے اپنے سخن پہ ناز
ہم کم سخن ازل سے ہیں شہرت سے بے نیاز
لیکن ہم آج اپنا ہنر آزمائیں گے
اب تھام لو جگر کہ غزل ہم سنائیں گے

شاید ہر ایک بات کا رکھتے ہوں وہ شعور
لے ڈوبنے کو ہے انہیں خود ان کا یہ غرور
جب ٹھوکریں لگیں گی تو رستے پہ آئیں گے
اب تھام لو جگر کہ غزل ہم سنائیں گے

ان کا چراغ جل نہ سکا اپنے سامنے
جادو کیا ہے ان پہ ہمارے کلام نے
اب وہ سدا ہماری غزل گنگنائیں گے
اب تھام لو جگر کہ غزل ہم سنائیں گے

فلم: آخری مجرا (1994) ۔۔ گلوکارہ: مہناز
شاعری: قتیل ؔ شفائی ۔۔ موسیقار : واجد علی ناشاد

Woh Daad Paa Chukay Jo Sukhan K Hain Mudd’ai
Ab Tham Lo Jigar Ghazal Ham Sunaen Gay

Keh Do Unhain Kah JinKo Hay Apnay Sukhan Pah Naaz
Ham Kam Sukhan Azal Say Hain Shohrat Say Bay Niaz
Lakin Ham Aaj Apna Hunar Aazmaen Gay
Ab Tham Lo Jigar Ghazal Ham Sunaen Gay

Shayad Har aik Baat Ka Rakhtay Houn Woh Shaur
Lay Dobnay Ko Hay Unhain Khud Unka Yeh Gharoor
Jab Thokrain Lagain Gi To Rastay Pah Aaein Gay
Ab Tham Lo Jigar Ghazal Ham Sunaen Gay

Unka Charagh Jal Nah Saka Apnay Samnay
Jado Kia Hay Un Pah Hamaray Kalaam Nay
Ab Woh Sada Hamari Ghazal Gun’gunaen Gay
Ab Tham Lo Jigar Ghazal Ham Sunaen Gay

Film: Akhri Mujra (1994) .. Singer: Mehnaz
Poet: Qateel Shifai .. Music Director: Wajid Ali Nashaad