Demokratet iu rikthyen edhe këtë të dielë skandalit me barnat. Deputeti Roland Keta tha se qeveria po kërkon të heq atë nen të ligjit, që shërben si garanci për ilaçet që hyjnë në vendin tonë. Sipas tij, mungesën e kontrollit dhe sigurisë për medikamentet, Ilir Beqaj po përpiqet ta sanksionojë me ligj.
?Qeveria, Edi Rama dhe Ilir Beqaj, po kërkojnë të heqin pikërisht atë nen të ligjit që shërben si garanci për ilaçet që hyjnë në vendin tonë.Duke i hapur rrugët e importit për skarcitete, vetëm e vetëm që biznesi i miqve dhe klientelës Rama-Beqaj të lulëzojë, pa marrë në konsideratë shëndetin e qytetarëve. Ligji aktual nuk lejon futjen e një medikamenti që nuk ka qarkulluar të paktën dy vjet në vendet e Bashkimit Europian. Kjo garanci për pacientët shqiptarë, është pengesë për biznesin e Ramës dhe Beqës, ndaj ata po kërkojnë ta heqin, duke vënë në rrezik shëndetin, sigurinë e barit, cilësinë e tij?, tha Keta.
Sipas tij, Ilir Beqaj do të mbahet mend si ministri që i hapi portat ilaçeve të dyshimta e të skaduara duke vënë në rrezik jetën e pacientëve, por duke ndërtuar gjithashtu një biznes me fitime marramendëse për miqtë e tij e të Edi Ramës.
?Një vit më parë, me bekimin e Edi Ramës, Ili Beqaj futi duart në sigurinë e medikamenteve, për t?i hapur rrugën klientelës qeveritare, përmes modifikimit që i bëri tenderit me urdhërin e tij. Pas kësaj ne pamë se në spitalet tona plasën skandalet e barnave me origjinë të dyshimtë, që paguheshin shtrenjtë nga qytetarët dhe nuk ishin efektivë?, shprehet ai.
Partia Demokratike ftoi qytetarët që të mbrojnë shëndetin e tyre. Gjithashtu Keta ngriti pikëpyetje edhe për 35 miliradë lekët që do të shkonin për shëndetësinë falas. Sipas tij Prokuroria duhet të hetojë këtë sipërmarrje kriminale në kurriz të qytetarëve dhe shëndetit publik.
