Policia Rrugore e Tiranës në orët e para të mëngjesit të së shtunës ka arrestuar 10 persona për drejtim mjeti në gjendje të dehur.
Ndërkohë 15 personave të tjerë u është pezulluar leja e drejtimit për përdorim alkooli dhe tejkalim të normave të shpejtësisë në qytet.
Patrullat e policisë kanë përdorur radarët për matjen e shpejtësisë edhe brenda qendrave urbane.
Masa me gjobë ka pasur edhe për shkelje semafori në 7 raste, 3 mjete janë gjobitur për xhama të errët, 2 për mungesë të siguracionit dhe të kontrollit teknik, si edhe 3 shoferë janë ndëshkuar për ecje në sens të kundërt.
Policia Rrugore kërkon ndihmën e qytetarëve duke respektuar rregullat e qarkullimit, për të kontribuar të gjithë së bashku për një qytet më të sigurt.
