Дали да го довериме детето на дадилка? ТВ ОРБИС 12.09.2015
Видео снимката која деновиве осамна на интернет порталите на која се гледа како повозрасна жена малтретира бебе, не само што ја потресе македонската јавност и регионот, туку и предизвика бура од реакции по социјалните мрежи и граѓаните кои бараа најстрога казна за жената која безмилосно тепа дете. Според податоците од полицијата за прв пат страшната слика ја видел таткото на 20 август годинава, кој и претходно забележал модринки на телото и главата на своето дете и заради тоа решил дома да постави видео камера. Кога ги видел снимките се шокирал – 61 годишната дадилка која била ангажирана за чување и негување на неговото девет месечно бебе, наместо да добие нега било жртва на различни облици на малтретирање и грубо однесување.
Меѓу народот познати се поговорките: „Како ќе си постелиш така ќе си легниш“, или пак „Што ќе засееш тоа и ќе пожнееш“, па така се случи и овој пат – кога на некој му мислиш и му правиш лошо, тоа кога тогаш ќе те снајде и тебе. Малтретирањето и тепањето на деветмесечното бебе, грубото однесување кон него со викање, навредување, штипење за рацете, тегнење на ушите и други облици на малтретирање ја однесоа 61 годишната дадилка зад решетки и таа 30 дена ќе помине во Шутка. Откако МВР поднесе кривична пријава поради сомневање дека сторила кривично дело запуштање и малтретирање на дете, судот и одреди мерка притвор, а Обвинителството води истражна постапка. На дадилката и се заканува казна затвор од 1 до 10 години.
После немилата случка со дадилката која малтретира деветмесечно бебе која изминативе дена ја потресе Македонија, се поставува прашањето – колку е сигурно детето да се довери на непознато лице?
По немилиот настан, министерот за труд и социјална политика, Диме Спасов, апелираше населението да ангажира само лиценцирани дадилки, што е предвидено во рамките на Законот за детска заштита. Тој вели дека самиот закон предвидува постапка за што работат со деца да се лиценцираат. Во процесот на лиценцирање, се проценува стручното знаење на апликантот, се проверува подобноста, дали е психофизички здрав, дали ја познава проблематиката, дали е осудуван за одредено кривично дело, за семејно насилство. Исто така министерот Спасов апелира до тие што ги чуваат децата да се лиценцираат, но додава дека сепак останува на родителите да одлучат дали ќе побараат од дадилката да извади лиценца ако ја нема.
На исто мислење се и од првата детска амбасада Меѓаши кои велат дека родителите треба да ги доверат своите деца на чување на лиценцирани дадилки или компании кои даваат вакви услуги или во детски градинки. Од таму се надеваат дека оваа немила случка ќе ги предупреди останатите родители да внимаваат кој се ги чува нивните деца.
Во последно време многу често се случува родителите грижата на своите најмили да им ја доверат на дадилка, наместо на персоналот од градинките ширум земјава, или пак на лиценцирани дадилки. Но, ни тоа не е случајно. Годинава голем дел од родителите реагир
