Koo Bakoo Phail Gayi Baat Shanasaai Ki
Uss Ne Khushboo Ki Tarah Meri Pazeerayi Ki
Kaise Keh Doon Ke Mujhe Chhor Diya Hai Ussne
Baat To Sach Hai Magar Baat Hai Ruswaayi Ki
Tera Pehloo Tere Dil Ki Tarah Abaad Rahe
Tujh Pe Guzre Na Qayamat Shab-E-Tanhai Ki
Woh Kahin Bhi Gaya Lauta To Mere Paas Aaya
Bas Yahi Baat Hai Achi Mere Harjaai Ki
Uss Ne Jalti Howi Peshaani Pe Jab Haath Rakha
Rooh Tak Aa Gayi Taseer Maseehai Ki……….
