GünAz TV: Azərbaycanın keçmiş prezidenti, milli azadlıq hərəkatının lideri Əbülfəz Elçibəyin vəfatından 15 il keçir.
Bütün ömrünü Azərbaycan xalqının azadlığına, dövlətimizin müstəqli olmasına sərf etmiş Elçibəy özündən sonra millətinin ürəyində öz heykəlini qoyub gedib.
Ə. Elçibəy 2000-ci il avqustun 22-də müalicə olunduğu Türkiyədəki Gülhanə Hərbi Tibb Akademiyasında vəfat edib.
Ə. Elçibəy 1938-ci il iyunun 24-də Ordubad rayonunun Kələki kəndində anadan olub. 1957-ci ildə Azərbaycan Dövlət Universitetinin şərqşünaslıq fakültəsini bitirib. O, 1988-ci ildə Azərbaycanda başlayan xalq hərəkatının lideri, Azərbaycan Xalq Cəbhəsini yaradanlardan olub.
1992-ci ildə prezident seçilən Əbülfəz Elçibəy bir il sonra Gəncədə başlayan qiyam nəticəsində Bakını tərk edərək Kələkiyə gedib. Milli Məclisin qərarı ilə səlahiyyətləri ləğv edilən Əbülfəz Elçibəy fəaliyyətini Azərbaycan Xalq Cəbhəsi Partiyasının sədri kimi davam etdirib. Uzun sürən ağır xəstəlikdən sonra 2000-ci ilin avqustun 22-də vəfat edən Əbülfəz Elçibəy Bakıya gətirilərək Fəxri Xiyabanda dəfn edilib.
“ALLAH rəhmət eləsin”
