TIRANË - Rritja e përdorimit të ujit të pijshëm për shkak të temperaturave të larta ka ndikuar që më shumë se gjysma e kryeqytetit të mbetet e pa furnizuar me ujë.
Për shkak të pamjaftueshmërisë dhe të pamundësisë që ujësjellësi ka për të furnizuar me ujë gjithë banorët, këshilltari për mediet i ujësjellësit të Tiranës Ilir Hoxha i ka bërë apel qytetarëve të kryeqytetit që të tregohen të kujdesshëm dhe të mos e shpërdorojnë ujin e pijshëm.
Pavarësisht kësaj Hoxha ka garantuar se uji i pijshëm që vjen në çezmat e qytetarëve është tërësisht i pastër. Po ashtu UKT i bën thirrje qytetarëve që në rast të mungesës së ujit të njoftojnë UKT që të verë në dispozicion autobotet.
