TIRANË - Kryetarët e disa bashkive dhe komunave që nuk kanë fituarazgjedhjet ose që shkrihen nuk po ofrojnë shërbime ndaj qytetarëve. Me këtë shqetësim e fillon intervistën për A1 Report Artan Shkëmbi, drejtori i Agjencisë për zbatimin e reformës territoriale. Shkëmbi thotë se është vërejtur problematikë në zonat turistike në veçanti, çfarë e bën të domosdoshme konstituimin e kryetarëve të rinj.
Por çfarë do të bëjnë në ditën e tyre të parë të punës kryetarët e rinj të bashkive? Shkembi thotë se fillimisht duhet të emërohen administratorët e rinj, veçanërisht në zonat ku shkrihen komunat e bashkitë.
Në lidhje me kompetencat e reja, zoti Shkëmbi rendit disa prej tyre, duke theksuar se ky është vetëm fillimi drejt një kalimi pothuajse të plotë të gjithë shërbimeve në terren.
Shkëmbi ndalet edhe te aspekti i bashkëpunimit mes qeverisë dhe kryetarë të bashkive veçanërisht atyre të djathtë, duke thënë se i druhet një përdorimi politik nga kryetari Lulzim Basha. Por shton se kjo të ndikojnë negativisht në plotësimin e shërbimeve nga qytetarëve.
