Pak orë përpara fillimit të kampionatit botëror në Brazil në San Paolo vazhdojnë ende protestat. Më shumë se 100 persona kanë protestuar përpara stadiumit ku do të zhvillohet ndeshja hapëse mes Brazilit dhe Kroacisë në orën 22:00. Nga përleshjet mes policisë dhe protestuesve anti-kupës së botës ka mbetur e plagosur edhe një gazetare e CNN.
Forcat e shumta të policisë të vendosura në dispozicion për mbarëvajtjen e evnetit më të madh futbollistik në botë kanë përdorur gaz lotsjellës dhe tymuese për të shpërndarë protestuesit. Qeveria braziliane ka vendosur të mbyll të gjitha institucionet gjatë ditës së sotme për të shmangur incidentet nga protesta masive që kanë përfshirë vendin.
Ndërsa ceremonia e hapjes së kampionatit të 20-të botëror në histori do të fillojë në orën 20:00. Në ceremoni do të jenë mjaft personalitete nga e gjithë botë, mes tyre edhe Ban Ki Moon, por do të mungojë presidentja Dilma Rousseff për shkak të kontestimeve të shumta.
