BULQIZE - Kundërshti e fortë dhe e dhunshme është hasur nga qindra banorë të fshatit Valikardhë në Bulqizë për ndërtimin e HEC-it në këtë zonë, i cili sipas tyre rrezikon të lërë pa ujë disa fshatra.
Gjithçka ka nisur gjatë orëve të mbrëmjes së të Hënës, kur banorët jo vetëm patën konfrontime fizike me punëonjësit e HEC-t, por shkatërruan dhe dhe goditën me gurë godinat e kësaj kompanie, dogjën kampin e punëtorëve dhe tentuan të godasin dhe disa nga mjetet e kompanisë.
Për situatën në fjalë policia shoqëroi në komisariat pesë fshatarë të zonës. Edhe pse sipas banorëve mbajta në komisariatin e Bulqizës është e padrejtës, ata paralajmërojnë se nuk do t'i ndërpresin protestat pa largimin e firmës dhe pa ndërprerjen e punimeve për ngritjen e HEC-it.
Avokati i firmës ndërtuese të Hidrocentralit flet për 200 mijë euro dëm të shkaktuar nga protestuesit, e nëse pretendimet e tij do të vërtetohen, atëherë shihen dhe përmasat e sulmit që banorët e fshatrave të komunës Zerqan, kanë bërë ndaj firmës dhe punëtorëve të saj.
Gjatë orëve të mbrëmjes në vendngjarje mbërritën forcat e policisë, të cilët ndërhynë për qetësimin e situatës, ndërsa grupi hetimor nisi verifikimin e dëmeve të shkaktuara nga protestuesit.
Por pse kundërshtojnë kaq fort banorët?
HEC-i në do të ndërtohet në fshatin Valikardhë të Bulqizës dhe do të përdorë si burim ujin e Liqenit të Zi, burim të cilin banorët e fshatrave të komunës Zerqaz vadisin tokat bujqësore.
Ndërtimi i HEC-it me një vlerë prej 18.500.000 euro është aprovuar me vendim të Marsit të 2013 nga KRT
Sipas banorëve, projekti ka nisur pa marrë në konsideratë mendimin e tyre, duke shfrytëzuar të vetmin burim të katër fshatrave të kësaj komune dhe duke vënë në rrezik të mbjellat e tyre.
Sipas banorëve të zonës kjo është një çështje shumë immediate pasi një sifon metali prej 1800 m si dhe i gjithë ujëmbledhësi i Liqenit të Zi ,Liqenit të Valikardhes dhe Liqenit të Ternovës dhe Sopotit janë ujra që furnizojnë me ujëvaditës të gjitha këto toka, të cilat jo vetëm që do të thahen, por do të shkaktojnë, sipas banorëve, katastrofën më të madhe ekologjike.
Lidhur me këtë problem, banorët thonë se me anë të një peticioni të firmosur nga 150 kryefamiljarë, janë njoftuar edhe disa nga organet kompetente, si: prefektura e qarkut Dibër, Ministri i Mjedisit dhe i Bujqësisë, si dhe Kryeministri Rama.
Prej javësh banorët e kësaj zone protestojnë kundër ndërtimit të HEC-it të Valikardhit.
Deri në zgjidhjen e këtij problemi jetik, banorët e kësaj zone do të vazhdojnë përshkallëzimin e protestave të tyre edhe në ditët në vijim.
